I'm prood to say that Campbeltown's the place that gaed me birth,
To me it is the sweetest and the dearest spot on earth:
'Twas there I spent my early days and didna care an urn
Ho' the warld sat, if I was at the Auld Witchburn.

CHORUS:

For that was the place, my boys, to pass the time away,
From the dawning of the morning till the waning of the day,
Altho' now gone forever, to memory will return
The happy days we paidled doon the Auld Witchburn.

Oh, weel dae I remember when we used to play at tig,
An' chase each other up the steps an' roon the brig,
An' when we wad be nearly tug hoo we wad juke an' turn,
An' maybe fa' heid foremost in the Auld Witchburn.

CHORUS:

The bobbies used tae hunt us, and whiles they gaed us't hot,
To us it was amusement and we didna care a jot:
Altho' they shook their staves at us, their threatenings we did spurn,
We were swifter tha the scafters at the Auld Witchburn.

CHORUS:

'Twas there we used to sail wee boats, or fecht wi' richt guid will,
'Twas there we hid our books and sclates when we did plunk the schule,
'Twas there we used to get wat shod, but had nae cause tae murn,
We were happy hunting rattans doon the Auld Witchburn.

CHORUS:

But changes great have taken place in Campbeltown since syne,
The husky youthful cronies they're scattered ye maun ken:
Some have crossed the raging main, and some sleep in the urn,
Who aince were happy chappies aboot the Auld Witchburn.

CHORUS:

Back to Page 1
Page 2: Mary - 150 Years Ago - Part 1
Page 3: Letters from America
Page 4: The Nature Page - Sika Deer in Kintyre - Part 2
Page 6: The Beginnings of the Lighthouse - Part 1